【本報訊】「佢都唔知咁大件事，冇諗過差人會上嚟拉人！」14歲少年黑客入侵八間中學內聯網事件，被捕少年昨日已返回學校上課；其母在接受記者訪問時，埋怨學校的電腦保安差，「有乜理由俾小朋友入到去㗎！」她指兒子只是「將論文放喺討論區等多啲人討論」，但今次教訓實在太大，兒子茶飯不思甚至有輕生念頭。記者：譚健文、張珮琪
至於案中少年所讀中學的姓袁副校長則表示，警方在事前事後均無通知學校，校方昨晨透過報章報道才知道有學生被捕。該學生昨日已返校上課並已知錯，校方安排老師及社工輔導。他指出，負責替該校安裝程式的電腦科技公司，上月曾向校方表示可能有學生闖入學校內聯網。
母指兒子已經識驚
至案中涉嫌「有犯罪及不誠實意圖取用電腦」罪名被捕的姓徐14歲中三男生，與父母及10歲妹妹同住香港仔舊大街一個單位。徐母昨日接受記者訪問時，指兒子「已經識驚」及很後悔。
對於案件的經過徐母似乎並不清楚，但她向記者說：「有同學教佢嘅，佢只係將論文放喺討論區等多啲人討論囉！」她指論文內容只是教導電腦知識，「佢都唔知咁大件事，冇諗過差人會上嚟拉人！」徐母指兒子一向很乖，事件令他很不開心，「佢又唔食飯，我驚佢睇唔開。」
又怨電腦公司水皮
徐母埋怨政府及學校對正確使用電腦的宣傳教育不足，「都唔知界線係點，點樣係犯法，又冇渠道畀佢發揮所長，其實邊有家長想個仔有案底㗎！」她更將責任歸咎於替學校設計程式的電腦公司，「學校電腦嘅保安好差，有乜理由俾小朋友入到㗎！」徐母又指兒子升中後對電腦興趣日濃，經常看書鑽研電腦技術，自行裝嵌及維修，並且替同學維修電腦，連「學校都話佢電腦程度好高」。
警方商業罪案調查科前日採取行動，拘捕該名姓徐少年，懷疑他於上月開始，入侵八間中學內聯網，目前暫獲准他以2,000元保釋候查。