陳敏之、AnaR.、郭思琳昨日在將軍澳出席李志清水墨畫展覽揭幕禮擔任揭幕嘉賓，陳敏之打扮成金庸名著《書劍恩仇錄》筆下的女主角霍青桐，而鬼妹仔AnaR.就打扮成香香公主，她對自己古裝扮相顯得十分受落，對造型更是讚不絕口，AnaR.說：「我覺得呢身打扮好漂亮，自己都係第一次打扮成一個中國公主，真係好得意，特別係頭上嘅頭飾，總之由頭靚到落腳。」
頻生暗瘡
在《書劍恩仇錄》著作中，香香公主與胞姊霍青桐均喜歡陳家洛，問到AnaR.現實中可試過與好姊妹爭仔，她說：「從來未試過，呢樣嘢唔會發生喺我身上，因為我個人比較保守。」
陳敏之對自己一身造型也是讚不絕口，可惜她近日面上長了不少暗瘡，她說：「因為近排出濕疹，已經去咗睇中醫調理，以前讀書時都試過出濕疹，好彩𠵱家唔使拍劇住，不過做主持工作時，都叫攝影師盡量唔好影大頭。」敏之又表示日前看到湯盈盈街頭遇襲的報道後，自己一個人出入時都特別小心，她說：「好似去停車場一啲比較靜嘅地方，都會盡量同人講住電話，我諗都係時候學吓功夫好啲。」
採訪、攝影：王崇穎