官恩娜（圖）、張繼聰同梁雨恩噚日喺葵芳出席港台活動，分別去咗兩間餐館，示範職業安全知識，「地獄廚神」官恩娜又再攞起菜刀切嘢，佢話：「好彩唔係煮嘢，唔知點解啲人明知我唔識煮嘢，就最鍾意搵我做埋啲煮嘢食嘅活動。」佢近日啱啱剝咗智慧牙，搞到塊面腫腫哋，佢話：「好搞笑，因為我係靜脈麻醉，醒咗第一句竟然問個醫生係男定女。」