方力申前晚以歐米茄大使身份跟奧運金牌得主科比等出席見證奧運倒數200日的活動，現場播放小方的往績片段，事後他表示在科比面前感到慚愧。小方又謂會向無綫自薦做奧運節目主持，因為可以免費到北京睇奧運。
方力申加入娛樂圈前，是港隊游泳隊成員、前奧運游泳選手，他前晚以歐米茄名人大使身份跟有澳洲「魚雷」之稱的奧運金牌得主科比，及有「中國短道速滑女王」之稱的中國第一面冬季奧運金牌及奧運金牌得主楊揚，一同出席「歐米茄奧運光輝時刻」巡迴展，見證08北京奧運會倒數200日的日子。
現場播放各人的往績片段，播放後，方力申自言異常尷尬，他說：「因為世界冠軍科比都喺度，令自己唔好意思。」問他見科比可有緊張，方力申說：「唔緊張，都見過佢兩次，第一次係98年世界游泳錦標賽，喺澳洲都睇過佢比賽。另外一次係2000年，同佢喺一個比賽場地，喺更衣室見佢好辛苦咁着佢件鯊魚泳衣，佢好高大，對腳又好大隻，我喺泳池邊睇佢游水，好清楚聽到佢啲打水聲。」
主動𢱑撈
方力申自言07年發展只屬一般，他稱自己太被動，所以打算08年採取主動，他說：「我會主動搵TVB，睇吓有冇機會做奧運主持，希望有機會睇奧運，又可以免費。」此外，他透露下月17日會參加渣打馬拉松比賽，他說：「5個月前已開始訓練，近兩個月每個禮拜跑4次步，每次個幾兩個鐘，大會要求喺5個半鐘內完成，不過我想4個鐘內完成，專家話咁樣對業餘者嚟講係好高水平，Paco（黃柏高）同屋企人應承會喺終點度等我。」
採訪：張俊銘
攝影：葉君海
