已為人母嘅廣末涼子，俾昨日出版嘅日本雜誌《FLASH》偷拍到喺上星期五凌晨一個人到澀谷一間酒吧買醉。當晚廣末戴上大烏蠅黑超，又紮起頭髮，打扮得好潮，同平時嘅佢分別好大。兩年前廣末已經被指同設計師老公岡澤高宏分居，不過，之後佢哋成日被拍到一家三口齊齊外出，廣末亦冇搭上其他男人，當日佢去酒吧原來都只係同店主飲吓酒，然後返屋企咋。