企業財經公關呢行競爭大已經係不爭嘅事實，想贏除咗要靠實力，另一個方法就係透過併購壯大自己。繼前幾個月FinancialDynamics買咗Occasions天機企業及財經公關，噚日就到偉達（Hill&Knowlton）買緯思公關大部份股權。之後緯思會改名做「緯思．偉達」，佢哋個老闆蕭偉民就繼續做M.D.。
睇番呢兩間公關公司嘅結合，相信最有感受應該係「結唔成婚」嘅淡馬錫同東航（670）。事關偉達湊住淡馬錫，緯思就projectbase湊住東航，曾幾何時兩家公關公司齊齊做戥穿石同姊妹，幫對準新人，但淡馬錫同東航有緣無份，始終未能共諧連理，反而戥穿石同姊妹可能當初接觸得多，互生情愫，家陣仲有情人終成眷屬。所以話，緣份呢家嘢，好多時真係估唔到㗎！