「今日，呢篇文非常難寫。」
07年7月30日下午，滙豐出中期業績。嗰朝早，孫柏文叫大家一注獨沽滙豐。嗰篇文章嘅第一句，就係以上嗰句。當日，亦為大家提供112.5元嘅目標價，建議有效時間12個月。
噚日，到價。
好多朋友、同事，都叫我慶祝一番。不過我冇心機。因為滙豐股價由當日嘅140元，跌至噚日收市嘅104.4元，背後有不能想像嘅眼淚。慶祝又怎能建基於他人嘅眼淚。同當日一樣，今日，呢篇文都非常難寫。
以後，不論男女老幼，如果你因炒股票唔開心，而又喺街上見到我。你只要走過嚟話：「我唔開心，Ineedahug。」我就會hug你。啱或錯，都可以唔開心。
金手指網誌： http://phatdat.blogspot.com