肥姐沈殿霞前日凌晨突然病發，被送入瑪麗醫院深切治療部（ICU）留醫，其病情一直令人憂心，但昨午肥姐已經轉回私家病房，主診醫生盧寵茂指肥姐病況有好轉。為了治病，肥姐到處尋醫，連兩萬元一服藥也捨得食。
沈殿霞在瑪麗醫院留醫後，其女兒欣宜每日都有到醫院探望母親，但昨日記者在深切治療部病房外守候多時也不見其影蹤，而早上8點半主診醫生盧寵茂曾經來巡房，當記者問他肥姐病情，他笑着說：「病人嘅病情我真係唔可以答，多謝晒。」但其實院方已秘密安排肥姐由ICU轉回到私家病房，欣宜、李琳琳、狄波拉與夫婿鬍鬚Kong在下午5時左右，分別離開肥姐的病房。
未知出院日期
盧寵茂醫生傍晚6時再來巡病房，記者再走前訪問他，今次他終願意停下來說：「其實肥姐係下晝轉番去私家病房，𠵱家可以由ICU轉回私家病房，病情已穩定落嚟，而且佢一直都有意識，放心啦。」
記者再問盧醫生肥姐何時可以出院？他笑言：「冇咁快！」到6時半，肥姐的胞姊離開時對記者說：「肥姐好番好多啦，𠵱家佢飲緊湯，每日我都有煲湯畀佢飲，相信過兩日，佢可以出院。」
陳淑芬母子昨日到瑪麗醫院探望肥姐沈殿霞，陳淑芬的兒子離開醫院時說：「肥姐已經好好多喇，自己可以郁動，但係未知幾時可以出院！」張耀榮昨日到亞洲國際博覽館出席記者會，他踢爆肥姐早前食了兩萬元一劑的西藥，他說：「今日睇報紙都好得人驚，不過陳淑芬都話佢冇事啦，佢瘦係啱，肥唔好。佢上三個禮拜先食兩劑西藥，每劑要成兩萬蚊，唔係瀉藥，只係將毒素排出嚟。我10日前都喺屋企見過佢，之前傾電話大半個鐘都中氣十足，佢每個月都要去深切治療檢查下同打針啦，先兩、三日我新抱都有聯絡佢。」
拒買肥姐寓所
張耀榮更表示肥姐現時仍居於其九龍塘的寓所，如果價錢滿意，肥姐也有意出售，至於為何他不幫手購入肥姐的單位，張生就說：「層樓1,700萬會有人要，但佢要賣2,000萬，我92年用400幾萬賣畀佢，我𠵱家買返咪好老襯。」
此外，劉家昌昨日在灣仔獲頒「2008世界傑出華人獎」，他透露兩周前見過肥姐，他說：「可能她食得太多，化療的人消化系統比較慢。」
採訪、攝影：娛樂突發組、駱華齡