郭富城將於下月14日至17日舉行「郭富城舞林正傳演唱會延續篇」個唱，昨日他到亞洲國際博覽館舉行記者會，宣佈演唱會將會加開21日至23日的終極3場，屆時城城會與歌迷共度中西兩個情人節。
城城昨日率先到亞洲國際博覽館視察場地，他大讚舞台可與觀眾距離拉近，他說：「今次個360度旋轉舞台會突破到450度嘅極限，而水花舞淋濕身嗰part亦會擴大範圍同加長時間。」
未收黛林來電
至於緋聞女友熊黛林是否於情人節當天捧場？城城說：「暫時冇諗過，當日情人節有好多fans陪我，其實我每次開演唱會，啲異性朋友會主動打電話畀我話想睇，但今次我就冇收過電話，至於藤原紀香，可能到時佢同老公嚟睇呢。」城城表示情人節在他心目中十分重要，問到他的拖友時，他即詐儍說：「邊個同我拍拖？我同工作戀愛緊，搏鬥緊，對工作嘅感情好轟烈。」
採訪、攝影：駱華齡