胡杏兒噚日去柴灣為一護膚品影廣告相，佢話簽咗約兩年，廣告入面會換五、六個形象，希望可以打入內地市場。佢仲大讚該品牌老闆好闊佬，送好多護膚品畀佢，連帶經理人、助手都受惠，問佢緋聞男友黃宗澤有冇份，佢就好怕醜話：「唔好講緋聞啦。」佢透露星期六會聯同曾志偉、森美一齊做中華小姐嘅司儀。