賭王何鴻燊昨日在君悅為「2008年世界傑出華人獎」任主禮嘉賓，頒獎予多位得獎人，包括他的三姨太陳婉珍，陳婉珍同時獲頒美國西阿拉巴馬州立大學的榮譽博士，賭王在台上頒獎時，全程笑不攏嘴，之後更錫了三姨太一啖。
贈白玉寓清白
陳婉珍戴上賭王送的10卡鑽戒開心地說：「佢好錫我，送咗兩塊白玉擺設畀我當鼓勵。」但她謙稱：「我只係拎第一個博士，何生有四個博士榮譽，我做嘅工作唔多，但得到認同會再努力啲。」問可想子女將來做賭業？她說：「冇呢個諗法，由得佢哋自由發展，局限咗反而唔好。」賭王說：「我喺北京開完會買畀佢，好多人讚佢，清白到好似白玉咁，佢又鍾意玉，特別係白玉，所以買一對畀佢。」
採訪、攝影：JessicaNgan