《斷背山》男主角希思萊杰昨日於紐約猝死，事件不但震驚荷李活，就連香港娛樂圈眾藝人也對事件感到意外。
任達華：運動減壓
任達華：好可惜，我最鍾意佢喺《斷背山》嘅演出。每一個藝人都要面對好大壓力，其實可以好多方法減壓，好似做吓運動，千祈唔可以吸毒同服藥，而且冇乜嘢問題唔可以解決，我覺得大家應該積極面對，生命係好寶貴嘅，要好好珍惜。
楊怡：服藥冇用
楊怡：覺得好可惜，《斷背山》我睇咗好多次，其實做乜嘢工都會有壓力，我會選擇喊同食嘢，但一定唔會選擇用藥物，我都試過食安眠藥去瞓，但反而瞓唔到。
鍾鎮濤：出色演員
鍾鎮濤：我有睇新聞，覺得佢係好出色嘅演員，發生咁嘅事好可惜，佢喺《斷背山》做得好好，但佢其他作品就未睇過。
廖碧兒：替B女慘
廖碧兒：覺得好可惜，所以我覺得佢個BB女好慘，冇咗爸爸。𠵱家都唔知佢為乜死，所以我都唔方便講太多。
周星馳：咁後生
周星馳：啱啱知道件事，好可惜，咁後生。
網中吟：網友悼同志Icon
希思萊杰04年拍攝李安的同志牛仔片《斷背山》（BrokebackMountain）成名，更因而成為一眾男同志的icon。美國一同志網站afterelton.com去年舉行100大最火辣男星選舉中，數千名同性戀及雙性戀男士投票，希思排在第20位。世界各地網友對希思的死訊感到震驚及惋惜，紛紛留言哀悼。
Aw,geez（TMZ.com）：這件事很震驚。我完全不能想像這事會發生。但我希望不是涉及藥物……
kindaichihk（香港討論區）：好突然，今早未睡醒聽到收音機，一開始以為自己聽錯呢，仲咁後生，可惜可惜。
玻斯狗（內地新浪網）：唉，真不願意靜靜躺在擔架上的遺體就是那神采飛揚的HeathLedger……本來他都快過生日了……
Jawbone54（macNNforum）：在我腦海不斷浮現他的兩歲女兒騎在他的肩膊上的照片，她將失去所有對父親的記憶，這真是令人沮喪。