-第九回-
劇集《野蠻奶奶大戰戈師奶》踏入結局篇，狐狸精楊秀惠將終極現形，激咀色誘黃宗澤，踩上門跟胡杏兒爭仔。23歲的楊秀惠由純情四葉女變成勾人老公的賤女人，角色犯眾憎，但她毫不介意做狐狸精師姐湯盈盈的接班人，揚言觀眾罵聲越多越好：「記住鬧多兩句呀！」果然後生可畏。
撰文：朱倬誼
四葉女出身的楊秀惠，出道以來多演純情乖女，沒想到她在人氣劇集《野蠻奶奶大戰戈師奶》中突然大變身，破格飾演狐狸精，硬撬胡杏兒牆腳，激咀黃宗澤（Bosco）後殺入「戈師奶」家門、挑釁杏兒和「奶奶」汪明荃（阿姐）的一幕，杏兒曾大讚楊秀惠演得傳神，激心程度令她近乎心臟病發；黃宗澤也對楊秀惠的表現讚不絕口，甚至擔心她被觀眾唾罵。
願接湯盈盈棒
獲得兩位主角拍檔讚賞，楊秀惠日前在中環接受訪問時因而笑不攏嘴，聲稱不介意因扮狐狸精乞人憎而遭觀眾狂鬧，她笑說：「記住鬧多兩句，我都想聽人鬧，咁即係個角色做得好。其實今次我好開心，唔同以前嘅𡃁妹、細路女路線，大家可能鍾意楊秀惠出嚟靚女、甜甜哋咁，但我唔係好斯文嘅女仔，但都唔係好粗魯，監製想試搵一個靚嘅女仔做呢個角色，一定要靚嘅，多謝佢欣賞先啦，哈哈！否則冇說服力，要同杏兒爭仔喎，杏兒都好靚女，所以至要搵個靚嘅同佢爭。」
湯盈盈是無綫狐狸精人選的佼佼者，青春無敵的楊秀惠不介意接棒，也不怕被定形，她說：「我唔介意做㗎，唔通鄭伊健做蠱惑仔就係蠱惑仔咩？𠵱家嘅觀眾會知你唔係咁嘅人，係角色啫。」
不斷對鏡催眠
要將狐狸精演繹得入型入格，原來楊秀惠有絕招，她說：「今次個角色有少少硬朗，都有主見，要同阿姐鬥，同佢硬碰，我好想試，又好驚自己做唔到，但我有一招，就係我開工化妝時，會對住塊鏡不斷催眠自己，今日你係個點樣點樣嘅女仔，催眠自己係乜嘢人。我扮賤女人，又有少少低B，勾引人哋，係個好勝嘅人，佢真係鍾意Bosco，所以拍戲嘅時候，我將呢啲感覺擺喺心入面，由個心發出嚟，否則就真係『演戲』。」
相對杏兒、宗澤，楊秀惠無疑資歷較淺，她與阿姐做對手戲，卻獲阿姐循循善誘，楊秀惠說：「阿姐教咗我好多嘢，我第一次做啲咁衰嘅嘢（狐狸精），對我嚟講係挑戰，阿姐提我一定要改咗啲馬拉口音，仲叫我畀心機；每次拍嘢，Bosco都會提點，佢會提我可以點演點做，會唔會咁樣做比較好啲？大家都有溝通。」
攝影：林德雄
化妝：MiuFungofbeautytech
髮型：YukiChanofbeautytech
服裝：SistyrMoon
場地：Baci
搶先爆︰凡幫倒忙 德決離婚
今晚第17集《野蠻奶奶大戰戈師奶》講述麗敏（胡杏兒飾）升為雜誌總編輯後，即成為太子爺阿Mark（王浩信飾）與公司眾人的磨心，雖然麗敏用盡方法討好員工，但關係未見好轉。獨留南丫島的O姐（汪明荃飾），在家中伸手出窗拿地拖時，不慎被窗框夾手致動彈不得，更因缺水而昏迷，她在昏迷中夢見自己死去，眾人竟於靈堂前開派對，幸好最後獲畢平凡（許紹雄飾）救回一命。
O姐與凡其後得知戈德（黃宗澤飾）與麗敏分居，畢平凡於芷喬（楊秀惠飾）的公司貼大字報指她乃狐狸精，更不慎錯手弄傷芷喬面頰，令戈德大感喬可憐，決心簽字與麗敏離婚。麗敏工作上受挫，又知道戈德決定離婚兼與芷喬拍拖，氣得她返回公司大發雷霆。
