郭羨妮和莊思敏昨日在大埔超級城出席「新地全城躍動迎金鼠」活動，大會邀請一名蒙古中樂演奏家許福偉即場指導郭羨妮，以一種名為古馬頭琴的樂器彈奏樂曲，不過她嘗試彈奏幾下後失敗收場，退而求其次作狀擺甫士影相。
有見湯盈盈在街頭拍戲被金毛漢襲擊，郭羨妮也即作出自我保護措施，她說：「我即刻請咗個女助手，有人陪都好啲，好過得自己一個，請女仔唔會傳緋聞，你知我啦！」
大嗌紓壓
郭羨妮去年與陶大宇鬧出緋聞，承受過不少壓力，對於藝人常遇到壓力問題，她如何處理？郭羨妮說：「做乜都會有壓力㗎啦！最緊要睇自己點去紓緩，我會揀睇戲、聽歌，或者大聲嗌。」
問郭羨妮與陶大宇的緋聞受千夫所指，可曾想過自殺？她說：「儍啦，梗係唔會，做人梗有開心同唔開心情緒，要識得走番出嚟，我比較快平復到心情，性格樂觀，唔係點企得喺度。」
採訪、攝影：魯萍