本身係澳門人嘅模特兒陳沛嘉，前日喺澳門永利酒店行婚紗騷，佢話：「平時返澳門做嘢一定會叫媽咪嚟睇我行騷，不過今日行婚紗騷，驚佢見到會催婚，其實媽咪都好鍾意我男朋友，都畀85分，自己唔急於結婚，亦都唔會畀壓力佢，因為想要一個計劃周詳嘅婚禮。」陳沛嘉仲話第時結婚一定會喺澳門影婚紗相，因為主教山教堂好靚。