蘇施黃(右)噚日喺跑馬地馬場出席活動時,即席煮咗味蠔豉生菜包,寓意好市生財。提到日前佢同鍾楚紅食晚飯,問佢紅姑近日如何,阿蘇話:「佢OK,好努力令自己開心,好似去旅行咁。另外佢又信咗天主教,每個星期日都返教堂,叫修女教佢睇聖經,佢睇聖經當睇歷史,好有趣。」不過阿蘇就信基督教,問佢點解唔叫紅姑跟佢一齊信基督教,阿蘇就話:「到時都喺上面見啦。」