BB彈彈吓練肌肉

大人做gym，強身健體咁話。原來兩個月以上的BB，都可以去做gym，一樣啱玩exerciseball、趴彈床、識朋友，強身又強心益智，所以呢類強身playgroup越來越hit。各位父母如果想偷師訓練屋企的小朋友，就要參考呢間由澳洲引入香港嘅嬰幼兒智能啓育課程中心KindyROO，睇吓有乜簡單動作，學識後返屋企同BB玩，慳皮又有效率。

記者︰劉昱蘭
攝影︰王文忠

■歲半至2歲BB可以趴喺個波上，意識乜嘢係高度。

■3歲大小朋友可以順住個波碌落地打埋觔斗，令思維靈活又練膽識。

■爬木架可練全身肌肉手腳協調和空間感。

■成個芝士圈咁，可訓練平衡力。

MatRoom
刺激感官

KindyROO有別一般babygym，除讓BB跑跑跳跳外，仲多個MatRoom畀佢發展感官刺激、認顏色、學聽指令、辨認身體各部份、學平衡力同手腳協調等；加上成班同學仔一齊上堂，可幫助發展社交活動和心智發展。MatRoom課程啱小至兩個月BB，上課時嘅玩具好簡單，只需膠桶、豆袋、紙仔，甚或膠圈鈴鐺樂器。KindyROO在每個3個月13周的課程中，都會有一個主題，例如Leisure，咁13個星期就會上不同的leisure活動，如主題係cycling，導師就會有一套同cycling有關的動作教BB做，還有卡紙輔助學習。

■中心總監Lianne話課程可令BB日後學習得更有效率。

■四周有五顏六色的降落傘和波波，刺激視覺同觀察力。

■落咗堂小朋友會衝上去抱抱阿Sirsaygoodbye，從中學習與人相處。

■外籍導師會拎個生字出嚟唱吓兒歌，刺激小朋友的學習情緒。

■反轉膠桶，叫BB拍打佢至發出響聲，啓發對聲音的敏感度。

■Scrapbook內每頁有一個生字一張小圖，讓小朋友每日學識一個字。

■幫BB企喺個膠桶上，學習在稍高地方平衡身體。

CircuitRoom由護士開創

上完半小時嘅MatRoomClass，係時候去CircuitRoom做gym。為咗保持BB嘅新鮮感，CircuitRoom每星期都會大執位，而所有大件玩具都由澳洲運港，易拆易搬，木製玩具更會用軟墊包實，地下又鋪軟墊，夠晒安全。CircuitRoom玩具係由澳洲MargaretSasse研究30年而做出嚟，現年70歲嘅Margaret本來係一名護士，因接觸過有學障嘅小朋友，就一心研究以上嘅學習模式，幫BB心智體能健康成長。