林海峰下個月25至28日喺紅館開騷，噚日第一日公開售票，兩個鐘之內已經售罄，佢噚日接受商台電話訪問時，主持問佢爭人幾多飛？佢話：「我都唔敢計，𠵱家咪盡量匿埋，唔好去人多嘅地方，一陣有人同我講話買唔到我啲飛，無端端俾人摑一巴咁點算呀，好危險㗎嘛。」佢家姐林珊珊同細佬林曉峰都話買唔到飛，投訴無門咁話喎。