身為無綫藝員的湯盈盈在公開場合捱打，昨日阿姐汪明荃、胡杏兒和黃宗澤等在尖沙嘴出席無綫劇集《野蠻奶奶大戰戈師奶》宣傳活動時，阿姐表示有留意湯盈盈的新聞，又謂昨日在將軍澳電視廣播城門外等候期間遇上一名陌生人守候，她說：「好彩保安畀番我入閘等上車，都好擔心，想向公司反映平時拍外景可以多啲保安，有時去拍外景唔係人人都歡迎，因為有時又會阻到人又封街，尤其返內地啲人仲熱情。」
至於與湯盈盈在無綫同屬一個經理人的林峯，昨日在尖沙嘴出席「願望成真基金」活動時，據稱兇徒承認收取2000元奉命行事，林峯說：「我唔了解發生乜嘢事，覺得做呢啲事太無聊，如果有人指使，咁指使啲人都好無聊，我覺得湯盈盈份人冇乜嘢，做藝人真係要小心啲，可能嗰個人係儍，我拍戲成日都遇到唔正常人騷擾。」
黎姿感愕然
此外，黎姿昨日在金鐘出席公開活動時說：「知道件事都好愕然，覺得盈盈好friendly，好nice，應該唔會得罪人，因乜嘢事我就唔知，不過做藝人好難避免，好似趙薇咁。」採訪：卓寶花、魯萍
攝影：陳偉權