劇院版Alphard轟足12喇叭　魅影環迴走

Alphard：
無懼你黑實嘅外表、一身拒人嘅氣息，只因知道你內在心軟。米白色真皮充份承托我嘅體重，柔軟而舒服。劇院式影音系統連DTS環迴立體聲音響系統，配合內櫳劇院式LED、射燈及電動窗簾，演出嘅每一個劇目都撩動我神經、震撼我心弦。毋須言語，都能深深迷戀你的內涵。你，何以一再拒絕我呢？加裝嘅鬼臉罩、大泵把、聲勢如虹嘅中置死氣喉及限量版輪圈令你更惡更有氣勢但不能叫我卻步，反叫我越發迷戀你，如魅影般糾纏心頭。
Tiffany

記者：梁美甜
攝影：譚盈傑
模特兒：Tiffany（TheGroup）

全方位劇院式配套夠震撼

好多人都認同Alphard係豪華而舒適嘅MPV，而新版TheaterSoundEdition更進一步將豪華感提升，叫得做Theater，內裝絕不馬虎，前中共兩個9吋原廠DVD彩芒及劇院式影音系統連DVD盒，加上一套11個揚聲器及超低音揚聲器嘅杜比環迴立體聲音響系統，無論位處於車廂邊個位置，聲音都強勁而震撼；慌你唔夠現場感，配合原裝車櫳嗰套劇院式LED反射燈同埋電動窗簾，一㩒掣，聲影湧住嚟，將你推入「歌劇」之中，仲要係一個行得走得隨時開得Show嘅一流劇院。隨車安裝彩芒及影音系統，車行就因利乘便加裝埋前後泊車系統，最盞鬼係連行車嘅路面情況都有得睇，仲要有得揀，兩、三個角度同一畫面顯示，犀利！

■劇院式燈都係LED反射式，夠氣氛。

■驟眼睇駕駛座與一般Alphard相若。

■空間闊落，加埋原裝雙天窗，夠開揚。

■V6VVT-i連2WD引擎，坐滿七人都夠力。

1.中排9吋彩芒，加埋音響效果唔錯，但後座睇都係嫌細。

2.前置彩芒係輕觸式，超User-friendly。

3.原廠視泊系統，清晰易睇。

4.前面直接入碟，轉碟好就手。

5.加配環迴立體聲音響系統，所以劇院版特別加多幾個喇叭。

6.㩒一下就開晒全車劇院燈。

更型更爆限量改裝夠煞食

一部車要突出搶鏡一啲都唔難，加幾件限量別注版嘅配件之後，想無人望無人注意都難！車行亦深明此道，從外至內為AlphardTheaterSoundEdition2008改頭但不至換臉，好似新款鬼臉罩、頭泵把連霧燈，以及全車大包圍連尾泵把咁，已經令人眼前一亮。未夠喉，再改個中置雙氣喉同埋個18吋花「款」合金軨，仲標明係限量版，聽到「別注」、「限量」大家一定雙眼發光吧！呢勻Alphard唔單止有內涵，仲外「型」十足，揸去邊都煞食都暈喇！