前晚在港台頒獎禮5奪傳媒大獎的陳奕迅（Eason），威風八面，爭不到此獎的李克勤表示衷心恭喜Eason得獎，覺得他實至名歸。不過傳媒大獎已變成兩位爸爸歌手的生仔指標，Eason早前已表明再追一個小朋友，如今他奪得傳媒大獎，相信快將雙喜臨門，克勤則表示若要他再生小朋友，要等他拿到傳媒大獎才考慮。
上年度樂壇最後一張成績表、港台的《第三十屆十大中文金曲頒獎音樂會》前晚在紅館舉行，陳奕迅在四大傳媒頒獎禮中獲獎最多，順利捧走傳媒大獎，他前晚還擔任壓軸嘉賓，演繹四大天王、張國榮（哥哥）和譚詠麟（阿倫）的名曲，成為全晚高潮。輸了傳媒大獎給Eason的李克勤說：「我係衷心恭喜佢，佢係實至名歸，佢舊年係咁多歌手中最突出，佢不論廣東碟同國語碟都好平均，自己每年成績差唔多。」問他會否以傳媒大獎作目標，他說：「下年努力，攞埋就退休。」
事事謹慎
「一嚟打孖就唔好」
問克勤有否打算再追多一個小朋友，他說：「暫時冇打算，好似家樂仔（吳家樂）咁，一嚟打孖就唔好喇，要年年開演唱會至賺到錢，所以唔可以立亂生。」再問他可擔心有「意外」，他說：「我係謹慎人，睇我咁多年就知，我唔會畀意外出現。」Eason揚言今年會努力追多個小朋友，克勤聞言說：「佢攞咗傳媒大獎就話生，下年想我生，就畀傳媒大獎我啦。」
Eason和克勤先後做了爸爸，徐濠縈04年10月替Eason誕下女兒陳康堤，二人於06年3月正式結為夫婦；克勤太太盧淑儀則於去年10月為他誕下兒子李立仁，盧淑儀還在其網誌撰寫媽咪寶寶日記，公開了立仁的趣致模樣。
前晚完騷後，雖然天氣寒冷及下着毛毛雨，但紅館門外依然聚集近30名Eason歌迷，Eason更與他們逐一握手及簽名。他其後趕往環球唱片於山林道舉行的慶功宴，被問到在壓軸表演時有點兒不夠氣，他笑說：「嘩！真係唔夠氣，幾辛苦，不過可以向四大天王、哥哥同阿倫致敬，跳舞都跳得好開心，開心到整親手指尾，自己亂咁跳，都唔知幾時扭到。」
知錯能改
收回搞工會言論
提到Eason唱到甩嘴，他聞言哈哈大笑說：「甩嘴正常，因為好耐以前成日扮劉德華，但好耐冇扮過，自己都驚扮唔番，但點知一開口就發現個腔喺度，自己都嚇一跳，所以忍唔住甩嘴。」對於第5次奪得傳媒大獎，Eason說：「今次係第二次自己一個人攞，之前要同人哋share。」
Eason早前在叱咤頒獎禮上發言，指香港要為音樂人成立工會，卻遭到批評，他前晚說：「嗰日自己失言，自己無知，唔知乜嘢叫工會，自己學識以後要慎言，發現要充實自己，同做好啲。」
採訪：胡比、駱華齡、藍文浩
攝影：葉君海、仇志德、陳順禎
小八卦：病貓衞蘭散場快閃
衞蘭（左）之前缺席三個頒獎禮，前晚才到港台領取十優歌手獎，但在騷後影大合照時已不見蹤影，其所屬的AMusic高層王凱文昨日說：「可能佢啲病未好番，由TVB頒獎禮開始，兩姊妹不斷交叉感染，醫生開咗10日抗生素畀佢，到𠵱家都未好番，所以一做完騷就走，絕對冇其他原因。」
小八卦：洪卓立借力揮手
獲最有前途新人獎銅獎的洪卓立前晚離開紅館時，未知是否經過一日長時間的煎熬，看來非常疲倦，現場雖然有其fans不斷叫喊，但他已無力舉高手向fans揮手，要勞煩其公司的職員扶着其手踭讓他借力（紅圈示），才能逐一揮手答謝歌迷。
