杜麗莎前晚獲得金針獎，只表演了8分鐘，早前有指她投訴獻唱時間太少，她說：「係呀，好少，不過8分鐘已好犀利，唱到6首歌。」
重生意輕唱功
記者告訴杜麗莎往年金針獎得主有半小時獻藝時，她說：「吓？好抵，不過現場玩得好熱鬧，自己仲有好多歌想唱，我可以唱一個鐘。」問她是否欲投訴，她即說：「冇投訴，佢哋（大會）好慘，好難做。」
問杜麗莎覺得時下歌手歌唱技巧如何，她說：「唔使講喇，佢哋都冇時間唱，𠵱家啲公司唔同我哋年代，𠵱家生意緊要，以前係賣藝同生意都緊要。」問她可聽過鄧麗欣，杜麗莎說：「唔識，邊個嚟。」當告之她鄧麗欣是Stephy時，她說：「唔識，Stephanie（鄭融）就識。」提到Stephy的歌藝遭批評，杜麗莎說：「叫Stephy跟我學唱歌啦。」