湯盈盈昨日拍攝《師奶股神》外景後遇襲，令同劇演員梁靖琪（Toby）和曾偉權大感震驚，二人指湯盈盈為人隨和，相信事件純為意外。Toby昨午又以妓女打扮到上海街拍外景，雖然未見無綫加強保安，但她出入洗手間也有工作人員陪同以策安全。
梁靖琪、曾偉權和劉玉翠昨午到旺角上海街為新劇《師奶股神》開工，昨日湯盈盈開工後遭人在街上襲擊，而下午《師》劇又到品流較複雜的上海街取景，雖然未見無綫加派保安，但Toby開工期間前往洗手間，也有工作人員陪同。
Toby說：「佢（湯盈盈）咁friendly，唔會傷害任何人，我諗係認錯人多啲。我覺得都好恐怖，我會盡量小心，但其實我出外景或者係做任何有危險性嘅事，經理人都一定會搵同事陪我，今日因為環境比較複雜，頭先我去廁所都有同事同工作人員陪我，我諗唔會唔安全嘅。」
曾偉權：佢好nice
曾偉權則說：「佢應該唔會得罪人，我諗今次係個別事件，佢份人好nice。其實我哋做演員任何時候都要打醒精神，但係有時為拍攝進度，可能乜都顧唔到。我哋之前去一個公共屋邨拍劇都試過遇到有人特登叫囂，咁我哋都惟有低調啲，十幾廿年前亞視都仲有人話收陀地，不過呢啲𠵱家都好少會發生喇。」
昨日劇情講述曾偉權相約劉玉翠於上海街見面，其間巧遇飾演臨時演員的Toby，原來Toby做臨記扮妓女後沒有落妝換衫便到上海街遊蕩，曾偉權誤以為一身性感打扮的Toby是真妓女，一度口花花說：「嘩！質素咁高嘅企街！」由於曾偉權不慎絆倒仆向Toby，令Toby誤以為對方想博懵，閃身避開之後更大力踩向他，大罵他是鹹濕佬。
打足底避免走光
昨日近百途人圍觀，工作人員要不斷勸喻以免阻礙拍攝，而穿超短裙和低胸裝的Toby亦不斷整理戲服以防走光。對以一身性感打扮在街頭開工，Toby原來早有準備，她說：「其實知道要扮妓女之後，都有專登揸車嚟睇吓到底佢哋係點打扮，今日嘅裝束都有同導演研究過。」
現場有近百人圍觀，加上又有大量黃色招牌，問Toby可感不好意思？她說：「套劇就係想要有多招牌嘅效果，至於衫入面一早貼晒膠紙同打晒底喇，但係都好唔慣同好尷尬囉。」
採訪：藍文浩
