劉心悠昨日獲運動品牌adidas邀請到尖沙嘴店舖，為她度身訂做跑鞋，經過測量之後，發覺她的右腳比左腳大少許，而且她的腳超細，僅穿4號鞋，難怪她感嘆經常買不到合適的鞋。
挑戰10公里賽
劉心悠說：「以前喺加拿大做兼職，因為份工要着皮鞋，但又冇我咁細嘅size，惟有買童裝鞋，有時見到啲凉鞋好靚好想買，都試過冇我size，所以好多時都要着大一個碼，已經習慣咗。」
熱愛跑步和做運動的劉心悠，過去兩年均有參加渣打馬拉松，下月17日再次舉行的馬拉松她也會再接再厲，不過她估計自己今年的成績會較往年遜色，劉心悠說：「第一年參加冇人知，覺得好新鮮，可以好輕鬆同積極去跑，第二年有好多人睇住，覺得好大壓力，之前拍《出埃及記》因為要學瑜伽，𠵱家鍾意咗玩瑜伽，反而少咗時間跑步練氣，我都驚有影響，所以唔想挑戰上年成績，今年我都會繼續跑10公里賽，可以跑足全程已經好滿意。」
採訪、攝影：魯萍