楊千嬅和容祖兒前晚在港台頒獎禮上大鬥性感，千嬅大露背，祖兒玩deepV，二人在台上十分抵得冷，但落台接受訪問時，就要披上外套。
牛一倒數生命
千嬅說：「條裙係Gucci贊助，最多布啦呢條。」她笑言沒有僭建：「之前買咗兩個唔同size嘅缽仔糕，一個A，一個B，但試咗之後，甩甩哋又墮墮哋，所以冇用，於是勁黐（膠紙）。」問她覺得跟祖兒誰較搶鏡時，她說：「未睇清楚。」問她怎樣慶祝下月3日的生日，她說：「會叫公司搞party，30歲之前會好拼搏，30歲之後好似倒數生命，所以凡事要睇開啲。」
此外，祖兒身穿的低胸裙是由PauleKa贊助，她說：「冇用缽仔糕，只係用咗個好薄嘅墊，自己最憎啲大嚿嘢。」問她覺得跟千嬅誰較性感，祖兒說：「唔知，兩個一樣咁靚，我黑啲，佢黃啲。」