機師係專業人士，一坐入駕駛室就負責全機嘅安全，所以空姐通常都對佢哋必恭必敬。唔知係咪習慣被人尊敬，一啲機師最近喺網上討論區度投訴香港嘅航空交通管制人員冇禮貌，畀飛行指令前唔講「Goodmorning」、對話完畢又唔講「Goodbye」，鬼咁冇修養。
八方知道，外國一啲唔係太繁忙嘅機場，空管人員得閒都會同機師用無線電吹吓水，消磨吓時間。有資深嘅香港空管人員話，香港機場點忙法全世界都知，有時要同一時間指揮五至六架機升降，邊得閒同機師chitchat吖？雖然講句Goodmorning、Goodbye好閒，但唔講唔代表佢哋冇禮貌。佢仲話，機師同空管人員都係打工仔，應該互相體諒吓。