iPhone都俾改機佬搞得掂，解鎖機仲有何難度可言！最近盛傳呢種改機技術已變種應用到日系SoftBank手機，成功將去年底登場嘅902SH除去SIMLock，仲撈埋舊貨904SH以及705SH（即數記SX633）齊齊解鎖，現時已打通全港，比病毒傳播仲快！
但世事無完美，最新呢部電視手機920SH睇唔到數碼電視早就預咗，但原來仲有三大致命點：不能睇片、不能聽歌、不能上網！即係話，920SH除咗打出打入電話，其餘功能一概謝絕。904SH和705SH情況好少少，相機同埋音樂播放器兩大經脈都已經打通，但就唔可以用3G或GPRS上網，又Check唔到E貓，亦無法睇即時資訊，你係咪接受到先？最大最重要問題，就係呢三部機現階段只得英、日語言介面，唔鹹唔淡嘅所謂「中文SMS」，你又係咪睇得明先？
