讀者侯小姐愛到日本料理店用膳，日前她放工後獨自光顧北角小樽居酒屋，被要求提早結賬離席，很不是味兒，「間店門口個牌寫明營業時間至晚上12點，lastcall（點菜）係11點30分，但侍應喺未夠10點就叫我落lastorder（點菜），唔係就埋單走，直頭係趕客！」
撤換全店人手
侯小姐又不滿，早前她與三五知己在該店食晚餐，結賬時失預算，檢查單據時發現價錢並非如食物牌上列明晚上9時後食品享九折優惠，經營手法有不誠實之嫌，「職員初時唔認計錯數，之後話食物冇九折，後尾就藉詞電腦軟件出錯，服務態度好差。」
小樽居酒屋負責人陳先生解釋，早前該店更換電腦軟件，新系統需人手逐一輸入有關折扣優惠，因店員出錯引致的誤會，謹此致歉。陳先生表示，該店最近完成裝修工程，撤換全店人手，並將每晚閉門時間提前至11時，但會提醒店員不可要求顧客提早結賬離席。
消委會發言人指，有些食店會要求客人先行結賬而毋須離席，並不構成問題，若要求顧客提早「埋單」後動身離去，便有不當。
檔案編號：1213022