部份地區或屋苑因未有鋪設有線電視線路，需要安裝獨立鑊形天線接收。有用戶近日搬到同屋苑另一單位，需拆裝鑊形天線和解碼器，有線卻「企硬」收取2,650元拆裝費，又不容許用戶找外面較平收費的水電師傅拆裝，被指專橫及有「掠水」之嫌。
有線電視客戶吳小姐居於元朗錦綉花園，早前她搬遷到同屋苑另一單位。為繼續使用有線電視服務，遂致電有線替其搬鑊形天線及兩部解碼器。有線為此向她收取2,650元，她認為價錢太貴，「新舊址相距好近，只係搬吓線、鑽幾個窿，唔明點解要收咁貴!」
獲知有線外判拆裝
吳小姐曾向巿面上的水電維修店問價，水電師傅表示工程並不太難，加上已有固定裝置，裝工只數百元便可。她遂致電有線要求自行找師傅拆裝，惟職員卻覆稱不可。「佢哋話如果搵出面啲師傅拆裝，合約期內如果需要維修或者合約屆滿要搬機，有線只會去舊地址，唔會去新地址喎!我覺得好唔合理，侷住要我畀咁貴!」
有線電視回覆，該公司已就事件聯絡吳小姐解釋及跟進，盼她明白及接受。
吳小姐事後表示，由本報轉交有關投訴予有線，截至本月中仍未再收到有線的聯絡，鑑於舊居要交吉予新業主，她無奈下已付費給有線拆裝。惟當日她向有線的師傅了解，原來他是由有線外判的公司，收取有線約1千多元。「有線都係外判畀出面啲師傅做，但就唔畀客去揀出面嘅師傅，而且收得咁貴，好唔合理!」
檔案編號：1231034