港股唔掂，金價回軟，但唔少投資者對香港樓市仲抱有好強嘅信心，睇好今年樓價，網友樓市升喺網上討論區話：「今年美國大選年，兩黨為咗大選，一定會不惜一切救市，美國減息只會停不了，咁樣香港樓市又點會跌喎，加上本港通脹加劇，樣樣嘢都話加價，市民一定會設法保值，買樓就係一個好好嘅選擇。」Lllun亦話：「港幣係咁跌，樓價想唔升都好難囉。」
Gugudaddy較為審慎，佢話：「家陣不明朗因素仲有好多，樓市嚟緊可能會係升跌升跌。」Tmchu007就大唱反調：「啲人成日都話供求問題，刺激樓價，你以為啲樓係食物咩，食咗就會冇呀？只會越嚟越多樓，今年一定跌得好大鑊。」
《香港討論區》嘅網友做咗個樓市走勢預測調查，39%嘅網友估，今年樓市有機會升三成，20%網友睇升兩成。