將軍澳一手盤供應量不斷下降，尤其係貨尾盤更加跌至歷史低位，全區就只得將軍澳廣場仲有貨尾單位揀，為數亦唔係多，聽講只有十零個可供發售，呢批單位嘅賣點係全部望海景，入場費320萬蚊起，同區內二手單位售價相若。
個盤嘅優勢係發展商提供長達150天特長成交期，比二手盤靈活。長實喺區內嘅新盤日出康城第1期首都，雖然未賣得，睇開樓不妨去現場睇吓環境，做定功課。
將軍澳多個大型屋苑都設有商場，睇完樓想行商場，大把選擇，不過今期以坑口站嘅東港城商場蘭花展活動較吸引，展出期由今日至下月21日，場內展出30多個品種、過萬朵蝴蝶蘭佈置嘅新年裝飾，以及多個首度曝光的新品種蘭花。同場更設有年花、年宵亁貨攤位，同各式賀年貨品，等巿民賞花嘅同時，提早辦埋年貨。
