除以上4人，黃文偉、陳國雄、鍾志光、鍾楚維及吳炳南等都是本地球圈的高球愛好者，閒時相約切磋球技，也會小注怡情，當然面子勝於金錢，牙骱大過天。
黎sir說：「通常4個人一組，賭注係每個洞10蚊，18個洞輸晒都係180元，贏波最多夠食飯飲茶，上落唔太。」身旁的林方基補充：「錢銀事少，面子事大，如果18個洞都食白果，真係未返到香港已經通晒天，俾人笑足幾個禮拜，你話慘唔慘。」
細焯在他們中算是年紀最輕一位，除了這類切磋，他亦會「一支公」到西貢滘西洲打波，獨行俠的習慣被一眾球壇前輩譏笑。細焯表示：「我都試過搵愉園隊友范俊業打18洞，但同輩鍾意高球嘅真係唔多；去滘西洲北場打波，冇球僮又冇球車，孭住咁重嘅球袋打18洞，咪當平時喺球場練體能囉！」