港股上個禮拜最後兩個交易日表現偏強，雖然禮拜五晚花旗股市下跌，但係跌幅溫和，應該唔會影響今日港股繼續反彈。
不過，散戶已經變成「驚弓之鳥」，港股反彈追貨嘅散戶相信唔會太多，反而好多人喺高位會傾向減磅，所以，恒指反彈暫時都係睇26000點好嘞。
個市跌到呢啲位，收集地產股中線持有實在好吸引，但係炒反彈就要好謹慎，因為反彈完會再跟個市跌，如果揀啱隻地產股反彈嘅幅度好細，咁就隨時要輸錢走人。睇反彈勁度，呢個禮拜都係內銀股同電訊股吸引啲。
中電信C輪9666：中電信（728）上周五收6.55元，升破10日線，睇嚟會試吓近期嘅高位7.14元，破位睇7.6元，可以諗吓隻C輪9666，隻輪現價1.54元，槓桿率4.2倍（有效3倍），對冲值0.72，正股升上7.6元，9666可見2.36元，正股跌穿6.1元止蝕。