食環署前署長梁永立06年退休，冇過檔商業機構搵真銀，變身大義工，最近成為被視為煲呔「御用智囊」嘅智經研究中心秘書長。梁永立同八方講，呢份唔係正職只係義工，佢話做AO日日早出晚歸，退休後唔想咁操勞，「做長工？唔好搞啦，我唔想星期一至五都返工。𠵱家幾好，做義工，有事至返去。」
退休高官要「過冷河」，下海要政府審批，做義工冇咁多掣肘，佢另一份義務工作係幫醫管局擔任高級醫生職位遴選程序檢討小組主席。梁永立話𠵱家多咗時間瞓晏覺，或者陪太太旅行。
智經搵咗唔少退休高官加盟，前保安局局長黎慶寧同前特首辦主任林煥光都係顧問。