【本報訊】馬會斥資18億元推行中區警署建築群保育活化計劃，一直受環保人士及市民反對。有居民代表昨出席公眾諮詢座談會時直指樓高百多米的新式通透竹棚型大樓儼如巨型屏風置於大廈面前，不排除會作進一步反對行動。馬會則晦氣說：「如果只有商場或者就咁保留建築物，就唔需要馬會做。」
批評遮擋景觀影響通風
昨出席公眾諮詢座談會共30多人，對於在舊有建築物上加建恍如巨型屏風的新型通透大樓都表示反對；有公眾更以「竹棚用竹起係竹棚，用鋼起就係監倉」來形容有關設計。
添寶閣業主立案法團委員李仰能表示，大廈位於堅道與奧卑利街交界，即處於巨型屏風身後。
李仰能說：「我去過馬會舉辦嘅展覽，見到自己住嘅大廈前面就係屏風，就算佢係透明通風都會起喺大廈前面，即係完全遮擋景觀，亦影響通風效果。」
他指出，法團早前已討論有關問題，正研究下一步行動。「我唔知會點做，要傾吓先知，但會開業主大會先，然後搵埋附近大廈一齊傾，睇吓可以做咩。」
「只保留就毋須馬會做」
馬會慈善事務執行總監饒恩培認為，在舊有建築物加插新設施是希望帶出新方向，讓香港引入新舊融化。「保育不代表只係保留建築物做博物館，呢個係保育加活化，如果只有商場或者就咁保留建築物，就唔需要馬會做。設計亦唔一定要全世界人都覺得啱，馬會對計劃好有信心。」