藝人「老虎猩」身邊出現過唔少靚女，但近年佢同富家女「文雀」拍拖之後，總算修心養性，冇乜再聽到佢有緋聞，照計佢生性咗，無論係虎猩嘅媽咪「猩媽媽」定女友文雀，都應該還得神落。
失財政大權
不過我關仁八到，咁多年嚟老虎猩同女友仲未拉埋天窗，原來係猩媽媽對文雀一向冇好感，認為呢個唔會係好媳婦，佢私下同友人呻，話文雀唔夠尊重佢，眼中淨係得佢個仔，所以佢好唔想個仔同文雀行，但仔大仔世界，做阿媽都管唔得咁多，加上文雀𠵱家掌管晒老虎猩嘅財政，文雀喺老虎猩心目中，份量一定唔輕，所以猩媽媽一廂情願想老虎猩同文雀散係不切實際嘅，最後搞到文雀對住老虎猩喊晒，個仔又對佢發晒脾氣咁又何苦呢？
Textby關仁
