仲記得細個睇電視新聞報道一啲關於賽車消息嗰陣，好多時都會見到BMW635CSi嘅囗影，自此就鍾意咗呢款車；可惜，後來廠方將佢停產，搞到我呢個Fans失落咗好一段時間。
好在去到千禧年之後，廠方又將呢款咁經典嘅Coupe跑車重新投產，兼且仲用一個新Look示人；不過點都諗唔到，廠方喺較早前推出嘅Facelifted新版，亦已經靜靜雞嚟咗香港，雖然驟眼望落去同舊版嘅差唔多，但原來佢嘅頭泵把、車尾指揮燈等地方都曾經作過改動，全部都用咗新設計，令造型變得更型更Sporty；此外，車廂陳設亦曾略作修改，如波棍用咗源於新X5嘅設計，美觀之餘又多一份實用性。然而，當中一款630CiA所配用嘅3.0直6引擎，經廠方微調後，馬力及扭力輸出分別增至272匹同315Nm，性能表現可謂毋庸置疑。
記者：鄭達基