女攝影師戴妮廷月前客串做模特兒，為首飾品牌TinaBarrat拍攝宣傳廣告，三小時內影了四個造型，十分快手。她最愛其中一個半裸look，她說：「好多水晶裝飾個頭，好華麗，好似公主咁。」問她半裸上陣，可會尷尬？她說：「冇乜嘢，同攝影師HarryC好熟，佢影得好快，現場又冇乜陌生人，同埋上次都影過，只係燈光冇咁光啫，係冷到少少傷風。」
堅守三點底線
戴妮廷謂半裸已是自己裸露底線，她說：「工作要對得住自己，除晒真係冇需要，要保持三點不露。」她減了十多磅才影相，問到可會轉行做模特兒，她笑說：「唔會，一把年紀囉，仲做全職模特兒咩？我都係影相為先，有job啱先間中做吓囉。」
撰文：DebbieLum