當國際米蘭和皇家馬德里在各自的聯賽逐步擴大優勢，英超的阿仙奴卻被死敵曼聯迎頭趕上。3支在季初領風騷的強隊命途迥異，就連球迷取向都有所不同；大部份人都撐國米可以繼續領放，至於阿仙奴就被認為太過年輕，面對壓力未必能夠反先。M：Mike 藍：藍鑽石 邪：邪童
M：嘩！跟住呢位讀者自稱邪童，因為佢話自己好鬼邪，買3串4經常斷一關，成日輸錢。
藍：Hello邪童。
邪：其實𠵱家唔應該叫邪童，應該叫「正童」，因為我呢陣子已經有錢贏。
藍：今次你貼3場波嘅總入球都係4球，咁邊場你最有信心？
邪：我最有信心係阿仙奴贏富咸。雖然好似何輝咁講，雲格之前犯咗唔少錯誤，但佢始終好重視英超聯賽寶座；你睇上一場阿仙奴失分畀伯明翰，雲格幾乎成場都冇坐低過，一路都踎喺場邊睇住隊波，可能想留意吓，高路托尼等非洲兵離隊之後，影響有幾大。
M：你自己又點睇呢？
邪：走咗非洲兵後，對阿仙奴防線真係幾大影響；但係呢一場對富咸，以阿仙奴一向對住榜尾分子嘅表現，應該有把握；不過正值球員信心不足，可能會有啲阻力。
藍：聽你咁講，好似信心都係一般，咁邊場你有把握啲？
邪：皇馬贏馬體會3:1喇！
藍：皇馬後防好似唔係好掂噃，成日都係要靠卡斯拿斯撐住。
邪：係呀，正因為卡斯拿斯咁「弗」，我先撐皇馬贏波！
邪童貼士
星期六5 富咸1:3阿仙奴（10.5倍）
星期日31 馬德里體育會1:3皇家馬德里（16倍）
星期日32 國際米蘭3:1帕爾馬 （11倍）
靚女紅魔躉撐泰維斯
又一個曼聯fans，不過今次是節目中較罕有的女讀者，她就是不愛基斯坦奴朗拿度（C朗）愛泰維斯的紀儀。和一般因C朗靚仔而追捧紅魔的女球迷不同，紀儀最愛是前鋒泰維斯，因為「他夠硬淨，而且把握能力不錯，最緊要係入波之後，佢會喺唔知邊度攞個奶嘴出嚟咬住慶祝，夠晒得意。」
紀儀相當理智，不會因此而盲捧泰維斯「首球」，反而會捧曼聯嘅「士哥王」C朗，又或以愛隊作過關膽；今個星期曼聯作客雷丁，紀儀就話，會同朋友一齊落吧幫曼聯打氣，希望可以贏波兼贏錢。
紀儀貼士
星期六5 富咸0:3阿仙奴（9倍）
星期日31 馬德里體育會1:2皇家馬德里（7.5倍）
星期日32 國際米蘭2:0帕爾馬（5.5倍）
平手盤梗係捧皇馬
一打入嚟就話自己近排成日唔中波，好鬼苦惱嘅Andy，今次對馬德里打吡戰以及國米對帕爾馬較有信心。今次馬會足智彩開咗個平手盤，令Andy更加有信心捧皇馬，因為馬體會喺主場出擊，防守稱不上穩陣，試過有兩場失3球，有1場更加失4球，遇上今季攻力冠絕西甲嘅皇馬，都幾難守得住。
至於國米對帕爾馬，Andy認為主隊贏梗，爭在係2:0定3:0；至於阿仙奴上仗失分，今次應該都穩陣，事關要護級嘅富咸喺主場出擊，踢法會較進取，咁樣反而對兵工廠有利。
Andy貼士
星期六5 富咸0:2阿仙奴（6.5倍）
星期日31 馬德里體育會1:2皇家馬德里（7.5倍）
星期日32 國際米蘭3:0帕爾馬（7倍）
藍鑽石心水推介
星期六5 富咸2:3阿仙奴（24倍）
星期日31 馬德里體育會1:1皇家馬德里（6.5倍）
星期日32 國際米蘭4:0帕爾馬（10倍）
何輝「烽煙」插阿仙奴
阿仙奴今季不少部署都比曼聯遜色，如紅魔在之前快車期已開始輪換，對球員休養大有幫助。而且阿仙奴之前犯了兩個錯誤，如在伊度亞度達施華大勇時，以尹佩斯取代其位置；另外在基拔圖施華及辛德路斯同時落場時，竟以後者為隊長。兩個決定都令球員士氣受損，或會成為爭霸路上的絆腳石。
至於國米優勢仍在，加上文仙尼用兵漸見進步，對帕爾馬冇走雞。
送你最新英格蘭衞衣
今集以webcam打入嘅讀者，除咗會由我哋幫你買3串7波膽，講得最好嘅讀者，更加會得到最新嘅英格蘭最新衞衣；獎品咁豐富，仲唔即刻上網登記？
〈拉闊足球場〉下次舉行日期：24/01
想參加？即上
http://soccer.atnextcom/jp/soccer
節目重溫：
http://sport.appledaily.com