關仁隱事:黑妹詐喊慘變真喊 - 關仁

關仁隱事:黑妹詐喊慘變真喊 - 關仁

近排舉行咗好多個樂壇頒獎禮,但唔知由幾時開始,唔少歌手一攞獎就例牌泣不成聲,喊好似已經成為指定動作。女歌手「黑妹」之前喺其中一個頒獎禮拎到個奀獎,上台時佢搏老命猛谷眼淚,可惜谷極唔出,結果只係得個喊樣而冇眼淚,到返落台時佢就慘咯,俾唱片公司同事追住狂鬧,鬧到佢頭耷耷、眼濕濕,估唔到黑妹喺台上喊唔出,喺台下至流得出真眼淚。不過關仁就唔多明,攞獎一定要喊㗎咩?你估趁墟咩?人喊你又喊,呢啲樂壇奇異文化,真係不敢恭維。
Textby關仁