賭波有時都幾主觀，數百支喺足智彩參戰嘅球隊，總有十隊八隊係愛隊，有過贏錢嘅勝利喜悅經驗，所以今次貼士熟口熟面，咪又玩屈福特（球賽編號：星期六40；無綫收費電視998及now898台明日1:20am直播）同阿仙奴咯！
今次要加注出擊，誓破悶局。博英冠愛隊屈福特主場同另一爭升班要角查爾頓，鬥攻開埋「大」。屈仔志切重返超聯，儘管該隊接受富咸出價500萬鎊撬走射手馬龍京治，略影響士氣，但現時人腳齊整，達路斯軒達臣配普斯堅雙箭亦極具威力；近兩月聯賽主場戰績差勁，不過在月初足總盃卻兩球氣走水晶宮，證明回起中，主場唔係唔識贏。
查爾頓客場走勢弱
查爾頓剛在周中遣強陣，作客惡鬥西布朗120分鐘，卻因鄭智在互射12碼宴客出局，呢鋪真傷。查軍累計近4戰作客3和1負，走勢轉弱；北上西布朗後，又南下撼屈福特，單計已連續28場上陣嘅鄭智已好難頂，不過前鋒常用輪換制，料有入波機會，小弟為免重蹈屈仔前仗聯賽主場爆大冷負昆士柏流浪2:4嘅覆轍，寧願重點攻1.9倍「大」。
阿仙奴作客鬥富咸，一眾主力經過一周休息後，應有充沛體力作客同市球會富咸，但單W乏味，而鑑於鶴臣領富咸未響勝鼓，今次未必保守求和，何況班波防守差勁，面對阿仙奴嘅艾廸巴約同賓特拿等高大中鋒，根本冇得守，故個人對1.8倍嘅入球「大」極有信心，再博「總入球」4球，最好係兵工廠贏3:1同4:0啦。
其餘兩腳，博極速擴軍嘅昆士柏流浪贏班士利，同錫菲聯喺同市打吡戰，贏低一班嘅錫周三。
近5場往績：輸贏贏贏輸
文：蘋果波神
英超波癡有一個心願，5月話你知！