黃宗澤（Bosco）、Freeze及官恩娜等，前晚在圓方出席D.DiamondRestaurant&Bar的開幕活動，黃宗澤曾跟Freeze成員甄穎珊拍拖，二人前晚同場，甄穎珊接受訪問時表示在餐廳內有跟Bosco打招呼，她指分手後因大家工作忙已甚少聯絡。
合照尷尬面紅
問甄穎珊可會跟Bosco合照，她即說：「呢啲都係由男方做主動。」記者即時拉攏這對舊情侶合照，但黃宗澤卻說：「我趕住同珍姐（無綫高層曾勵玲）一齊走。」不過當甄穎珊出現時，Bosco故作大方輕攬女方纖腰合照，反而甄穎珊顯得一臉尷尬，滿面通紅，連她的兩位好姊妹陳樂榣及石詠莉也取笑她說：「你唔好咁生硬同面紅，仲fing腳。」影完相後，甄穎珊更向黃宗澤作九十度鞠躬。
此外，Bosco被問到是否有意跟緋聞女友胡杏兒一起買樓築愛巢時，他否認說：「就算係都係買畀自己啦！佢係想買樓畀佢爹哋，佢問我意見啫。」問他給予意見可有順道付款？Bosco說：「梗係冇啦，拖都未有得拍，結乜嘢婚？係個劇效應，估唔到個傳聞咁大，搞到催婚買樓，自己想買樓都想一炮過，等儲多啲錢可以買一間過千呎屋，同兩隻狗、媽咪同工人住。」
採訪：駱華齡
攝影：陳順禎