徐淑敏讚黎姿白淨
「我覺得黎姿無論係有化妝定係冇化妝都係咁靚，因為平時睇雜誌就算見到佢冇化妝個樣都keep得好好，可能因為佢好白淨，塊面輪廓又靚，皮膚又真係好好，完全冇粒粒同印，佢真係天生麗質，就算唔化妝都可以上鏡啦。」
楊思琦羨盈盈滑溜
「其實好多藝人唔化妝啲皮膚都好靚，當中我覺得最白最滑嘅就係湯盈盈，我見過佢唔化妝，啲皮膚都好靚，我諗佢天生啲皮膚都好好，加上佢護理得好，所以唔化妝都冇問題，我都好想有佢咁靚嘅皮膚呀。」
王賢誌欣賞關之琳
「我雖然未見過關之琳真人冇化妝嘅樣，但喺雜誌睇過。佢冇化妝都好可人，其實化妝係想突出人嘅輪廓，大美人之之本身都係眼大大、面尖尖，加上皮膚保持得好好，所以就算搽少少粉個效果已經好好。」
陳秀雯愛嘉欣輪廓
「我相信李嘉欣應該屬於唔化妝都好靚嗰種藝人，雖然我未見過佢冇化妝個樣，我相信一定唔會話走晒樣。佢先天條件好，鼻夠高、面又尖，輪廓面形已經贏晒，上唔上妝都好好睇，而且佢皮膚好靚就算唔化妝都好有血色。」
採訪、攝影：駱華齡、李珮洳、何永寧
