首部高清廣播劇集《野蠻奶奶大戰戈師奶》推出以來，年屆60的阿姐汪明荃芳容頓成焦點，繼被指牙齒參差後，近日又指她為遮雀斑搽黑面。阿姐前晚反駁自己向來冇暗瘡冇雀斑，又自豪地說：「呢啲係天生皮膚襟，日日化妝都要襟撈至得㗎。」
為配合下周日（27日）晚連播兩集的《野蠻奶奶大戰戈師奶》結局篇，無綫將推出一個10分鐘的加料大結局，除全劇演員出動外，更找來黃宗澤扮法官、汪明荃和胡杏兒扮律師，讓兩婆媳繼續在庭上舌劍唇槍。
「我都唔搽嘢」
阿姐開庭前主動談及近日有報道指她在《野》劇中刻意搽黑塊面來遮掩雀斑一事，令她的化妝師很不開心，她不忿地說：「我一粒雀斑都冇，我係拍外景曬黑，我連一粒暗瘡都冇，又唔生雀斑，平時我都唔搽嘢，呢啲係天生皮膚襟，日日化妝都要襟撈至得㗎。」阿姐又表示稍後會與馬德鐘及佘詩曼開拍新劇，由於她是一年一部劇集，故早點完成劇集，她便可以專心看奧運。
原本阿姐建議無綫把《野》劇蝦碌及剩餘片段安排在周日加料大結局播映，沒料到因人為錯誤把這些片段洗掉，令阿姐極度不滿，黃宗澤和胡杏兒也大表失望和可惜。胡杏兒說：「洗晒啲帶好可惜，實在拍咗好多，應該可以出多5集，可能冇預計到反應咁好啦。」
談緋聞即裝儍
黃宗澤則說：「我知道洗咗啲帶後都好失望，希望嚟緊收視有40點啦。」問他若然收視40點會否公開與胡杏兒的戀情？他詐儍扮懵說：「公開乜嘢？公開收視？」黃宗澤透露稍後會到馬來西亞領獎，問他可希望年尾在無綫台慶頒獎禮上奪獎時，他沒好氣說：「論資歷、演技、輩份都未輪到我啦。」
採訪：卓美娟 攝影：陳順禎