陳冠希（Edison）昨日到商台接受訪問，並帶了其以喜帖包裝的最新單曲《錢錢錢》，新碟將於下月28日推出，以「發錢寒」為主題，不過Edison強調自己並非發錢寒的人，提到他旗下組合農夫的新碟銷情不俗，Edison笑說：「都有壓力㗎，如果我賣得少過佢哋，我以後都唔出碟，冇面嘛。」
Edison在訪問中又透露自與女友Vincy拍拖後，給人的印象成熟不少，他說：「咁個人真係定咗好多，以前啲人成日以為我一星期換一個女友，但𠵱家啲人就唔會咁睇。」
「呢一巴點醒我」
Edison又謂以前工作態度也比較散漫，在拍《無間道》時，曾被導演劉偉強掌摑，他憶述說：「我拍極都拍唔好，佢問我係咪好攰，我話唔係，但佢覺得我唔醒，跟住就打落我塊面度，當時我真係醒咗，不過佢呢一巴我冇嬲，仲真係點醒咗我。」
此外，Edison前晚約8時，與幾名朋友在圓方一間餐廳晚膳，頭戴冷帽穿上中國棉衲的他跟朋友言談甚歡，但未見其女朋友Vincy同行，經過約45分鐘的大快朵頤後，他未有從正門離開餐廳。
採訪：胡比、駱華齡
攝影：胡比