英冠球會昆士柏流浪自有富商注資後，球員開心到不得了，早前其中一名班主拜亞杜爾，仲送出每隻3,000鎊（約46,000港元）嘅名錶畀一眾球員，激勵士氣！ 點知英足總收到風即刻發出禁令，指所有獎金獎品需要在合約上列明，否則唔算數，所以球員就要嘔番啲靚錶出嚟。不過，轉會窗重開後，昆士柏已簽入接近10名新兵，更有傳熱刺翼鋒魯廸治快將加盟，可見財力豐厚，球員只要留隊，將來肯定豬籠入水！