上星期靠踩住盧頓，捧佢對家史雲斯上榜首，原本個心戚戚然，事關「鋤弱扶強」唔係小弟本色，不過睇完盧頓喺英足盃被利記大炒5蛋後，球會立即解僱領隊布力維爾同佢啲𡃁，就知盧頓唔抵幫；布力維爾原本張約2月到期，冇糧出都同你捱義氣，迫到利記重賽，幫球會兩場執過百萬鎊，一出局就炒人魷魚，呢種「鳥盡弓藏」法，真係現實。
不過現今歐洲球壇，已經完全商業化，做領隊好似做CEO咁，成績唔理想，就等同公司業績欠佳，領隊就要孭鑊；仲邊有廿幾年前曼聯咁，等費格遜幾年時間慢慢執好隊波，先建立3冠王朝。現實就是殘酷，只有落井下石，邊有雪中送炭。西甲嘅利雲特，又係受財困影響，職球員欠薪多時，有球員慘到冇錢供樓；馬略卡作客贏完皇馬，呢場又點會留手？
讓球：馬略卡（上）
心得：西甲邊有雪中送炭
近5場往績：贏輸輸輸贏
文：牽牛
施丹退休，頓感失落，期待阿仙奴的法比加斯他朝有此神乎奇技。