嘆韋小寶易搵 楊過難覓<br>莫文蔚父:馮德倫未經我鑑定

嘆韋小寶易搵 楊過難覓
莫文蔚父:馮德倫未經我鑑定

莫文蔚(Karen)上月公開宣佈已於去年初與馮德倫分手,儘管Karen與馮德倫拍拖9年,但其父莫天賜昨日卻大爆跟馮德倫見面其實不超過5次,甚至指Karen與馮德倫拍拖其實還未得到他的首肯,莫uncle說:「經我法眼鑑定就未。」

莫文蔚上月宣佈跟馮德倫緣盡,據悉原因是二人的感情由濃轉淡、聚少離多,故在和平氣氛下分開。Karen父母莫天賜和何敏儀昨日在尖沙嘴跟傳媒見面,問到他們對愛女Karen與馮德倫分手一事的看法時,莫uncle竟無意中說漏嘴:「其實我見呢位小朋友(指馮德倫)唔超過5次。」莫auntie為免莫uncle越爆越多,即插嘴說:「其實唔緊要,大家唔啱嘅話,冇謂carryon。」

「世上冇楊過」

有傳馮德倫比較花弗,莫auntie急忙維護說:「唔好講呢啲,佢哋一樣係好朋友,好過你就我呢樣、我就你嗰樣,大家都冇錯,大家都係啱。」
莫uncle對推背圖及中國預言素有研究,問他會否幫女兒預測未來愛情運時,莫uncle笑道:「隨緣啦,我個女兩、三歲嗰陣我同佢唱過首《嫁皇帝》嘅歌仔,但個女話:『我唔鍾意嫁皇帝,我要嫁爹哋。』佢知邊個真正愛護佢。其實佢啲拖友都未經我首肯,呢個世上冇小龍女、楊過,係書本上嘅嘢嚟啫。」

莫文蔚父親莫天賜昨日偕太太何敏儀跟傳媒見面時,大爆跟馮德倫9年來見面不超過5次。

毋須催桃花

問到馮德倫與Karen拍拖以來是否獲得他首肯?莫uncle說:「經我法眼鑑定就未。我個女唔會情傷,點會情傷?」會否覺得現今社會多情的韋小寶多過專情的楊過?莫uncle認同說:「係呀。」問莫uncle會否教女兒在新一年買桃花催旺桃花運時,莫uncle沒好氣地說:「多餘,冇需要,唔通食髮菜就真係發財咩?」
採訪、攝影:戴彩煥

馮德倫與張雨綺去年8月在上海被拍得結伴外遊照片,因而傳出緋聞。
資料圖片