名模熊黛林日夜出騷，前晚行騷時大讚緋聞男友郭富城有男人味。昨日示範珠寶時，她又指愛郎情人節時開演唱會多人陪，到時她則會返南京陪家人。雖然兩地分隔，熊黛林揚言「浪漫平時都可以」。愛收珠寶鑽石的她，又不想城城破費，認真錫住愛郎！
名模熊黛林（Lynn）密密出騷，大小通吃，前晚為本地時裝品牌Moiselle行騷後，昨日又夥拍名模陳嘉容等，在中環示範法國珠寶VanCleef&Arpels以芭蕾舞為主題的BalletPrecieux系列。
Tubedress越跌越低
Lynn昨日示範珠寶時，黑色tubedress不時下滑，她說：「因為條裙有少少重，我又冇貼膠紙，怕整傷皮膚。」問她可喜歡男士送珠寶鑽飾？Lynn坦白地說：「都鍾意呀，咁靚，邊個會唔鍾意？不過以前啲男朋友都冇送過。」
下月便是情人節，Lynn的緋聞男友郭富城屆時正舉行演唱會，Lynn就會返南京跟家人度過。問她可會要求城城提早慶祝？她說：「唔使陪我喇，咁多人陪佢，咁熱鬧都唔使我啦。」想收甚麼情人節禮物？她說：「同父母過，新年休息吓已經好夠，浪漫平時都可以，唔使特別一日慶祝嘅。」難道情人節不想收鑽石嗎？她說：「咁貴重嘅禮物，除非老公送啦，或者客戶覺得我表現好，送畀我啦。」前晚Lynn行時裝騷時，也大讚城城有男人味，她說：「佢跳舞時好有型，又好叻襯衫。」
陳嘉容專揀巨鑽
陳嘉容昨日則示範全場最貴、價值3,000多萬的鑽石頸鏈，她透露收藏了少量鑽石耳環，她說：「我身形比較高大，一卡鑽石戴落好細，唔襯，要兩、三卡先得，之前都示範過幾千萬嘅珠寶，我都影相留念。」
採訪、攝影：RitaLeung