無綫昨日安排23位中華小姐候選佳麗到佛山拍外景，其中15號李德玲、17號王瑩和20號韓曉丹三位佳麗因病缺席，16號蔡凱欣和18號王靚則抱病拍攝。未知幾位佳麗是否彼此日夕相對，加上排練辛勞，導致交叉感染流感？
無綫《2008國際中華小姐競選》將於下周六舉行，23位來自不同地區的佳麗，昨日出發到佛山拍外景，可是當大會安排眾佳麗到一個運動場進行拍攝時，卡城佳麗15號李德玲、紐約佳麗17號王瑩和悉尼佳麗20號韓曉丹都缺席，溫哥華佳麗16號蔡凱欣和多倫多佳麗18號王靚都抱恙上陣。入冬正值流感高峯期，加上這幾名佳麗們的號碼相近，經常相處才容易互相傳染。
冇大褸着致病
佳麗們昨日打扮鮮艷，並拿着草球在寒冷的天氣下扮啦啦隊，頂硬上的蔡凱欣說：「我凍親感冒，都未食藥，大會一陣會帶我去睇醫生，我之前都傷風過一次。」是否因為大會安排拍攝程序太多，不夠休息？她說：「我唔夠暖，其實雖然辛苦都值得，屋企人都擔心，不過佢哋叫我飲多啲水，食多啲嘢。」蔡凱欣來自溫哥華，理應不怕凍，但她說：「我喺外國出街可以着褸，我唔擔心影響表現，但驚唔夠時間綵排，其實我喺溫哥華嚟之前已經打咗流感針。」
王靚同樣患上感冒，她死撐說：「唔係太辛苦，呢幾日好多女仔都病咗，我就希望爭取時間休息，呢度有工作人員照顧，屋企人都唔擔心，佢哋決賽都會飛嚟支持我。」對於這幾天要排舞，可擔心舞衣太性感？她說：「少少啫，款式比較有女人味。」
張嘉兒有信心
香港代表12號張嘉兒表示已進行了見評判一關，她說：「我都有信心，見咗評判就放下心頭大石。」對於佳麗先後病倒，可覺得辛苦？她說：「唔辛苦，我好注意健康，平時食好多生果同蔬菜，又會帶定潤喉嘢跟身，一唔舒服就食。」
採訪、攝影：曾小嘉
